Историја
Млекара Здравје е една од водечките млечни индустрии во Македонија
Млекара Здравје Радово започна со работа во с. Радово во почетокот на 2002 година, во еколошки чиста средина која го опфаќа пределот помеѓу планините Огражден и Беласица, на 10 км. оддалеченост од Струмица.
2004
Производството се прошири со нов производствен капацитет во Куманово, со што се продолжи со традицијата на педесет години постоење и производство на поранешен ЗИК Куманово.
2014
Нова инвестиција. Во Р.Е. Куманово започна производството на млечни намази.
2015
Промоција на новиот сегмент на работењето – млечни десерти, од кој прв се појави традиционалниот производ сутлијаш.
2016
Отворена е новата фабрика во Битола.
Од почетокот до денес, забележлив е континуиран развој во производствената програма, раст на бројот на производи и бројот на вработени. Со постојана работа и воведување на нови производи, проширен е асортиманот кој на почетокот го сочинуваа само десетина производи. Почетниот капацитет на дневна обработка на млеко од 2 500 литри, денес е зголемен на над 120.000 литри.
Целокупната продажба и дистрибуција на производите се одвива во и од магацинот во Скопје, каде се наоѓа и дирекцијата на компанијата. Со дистрибуција се опфатени сите градови и населени места во Република Македонија. Истата се одвива со возила од сопствениот возен парк.
Инвестициите во истражување и развој се примарна цел на менаџментот на Млекара Здравје, со цел создавање успешен млечен бренд кој ќе ги освојува странските пазари. Во моментов производното портфолио на Млекара Здравје Радово ја сочинуваат повеќе од 25 млечни и кисело-млечни производи, кои се пласираат на домашниот и регионалниот пазар, а значителен процент од вкупното производство се извезува.
